Covermark草本漢方修護粉底霜

話說最近兩次share都不在家，不得已只好用google。

呢支係covermark essence foundation，中文係草本漢方修護粉底霜。分兩個size，25g係HKD400幾，30g係HKD600。

covermark其實係我之前用的粉底，當時用齊佢底妝，base同碎粉間粉餅都係，不過現在已經投入別家懷抱。

有感於呢款粉底客觀來說都好用，所以都想Share下。

係講呢款粉底前，首先講下不同粉底型態的分別。

不外乎液體(粉底液)，乾粉（粉餅）同粉條，而液體當中又分creamy同liquid。

以遮瑕度來排：

粉條－＞creamy粉底液－＞liquid粉底液－＞粉餅

當然，以上不是不變定理，都要視乎各家品牌而定。

理論上如果你油性皮膚，通常會被建議試用liquid粉底液，干性相對就可以用返ｄ creamy d的質地。不過我認為都要結合返天氣，冬天就算油性都要用ｄ潤身少少的粉底。因為粉底係一樣好得意的東西，必須要將皮膚潤澤度控制得宜方容易上粉同貼，否則我都係建議你素臉朝天好過。

個人而言我係走粉底液派的，即粉底液－＞碎粉定妝，至於粉餅則用來出街補妝用。可能有人會覺得用粉底液煩（以前我都覺得），所以會係上完base後直接用乾溼兩用粉餅，但相信我，咁樣上妝絕對冇用粉底液＋碎粉咁long lasting。

講返呢隻粉底，佢係creamy粉底液，所以比較潤身，而且遮瑕度不錯。基本上我面上有些陳年豆印，用左佢都可以遮曬，無須再另外使用遮瑕膏。

呢支賣點在其草本漢方，聲稱係化妝同時護膚。我發覺好多化妝品都會打呢個旗號。雖然我都係無妝不歡的人，不過憑良心講句，如果你覺得真可以化妝同時護膚，勸你死左條心，真係怕傷皮膚的，不如不要化妝啦，這才是王道。

呢支用量不大，好似我塊包面，每次都係用1l粒黃豆分量。因為佢coverage高，所以不建議一次過用太多，寧願上左一層之後，在需要修飾的地方再印一次，否則就會顯得個妝太厚（話說化妝同減肥食野一樣，夠就好）。

呢支出來的妝感都算自然，不會很死白，當然要選擇適合自己的膚色啦。covermark粉底有趣之處係佢色號分左藍tone同黃tone，係專櫃試的時候BA會幫你分的。至於用咩色，都係要自己試清楚，要試係頸度，咁樣先可以避免化完妝兩截色。

至於持久度，呢支都算不過，不過我去到中午之後鼻頭位都會少Ｄ出油，印一印就ｏｋ。不過呢支最好就係不會暗沉，返到屋企卸妝基本上個膚色都算亮，仍然覺得氣色不錯的感覺。

呢支質感比較潤身，適合冬天用。如果黎緊你想搵一支遮瑕度高，又ｋｅｅｐ得耐的粉底液，呢支可以考慮～～～